ချော်လဲဘူးပါသလား မေးလျှင် တော်တော် အူကြောင်ကြောင်နိုင်လိုက်လေခြင်
းဟု ထင်ကောင်းထင်ကြမည်။ ဖူးသစ်စ မနက်ခင်းတစ်ခုနှင့်  ကစားဖူးပါသလား သို့ မဟုတ် အရွယ်ရောက်လာပြီးမှ အကြိမ်ကြိမ်ချော်လဲဘူး ပါသလား။ အကယ်၍ သင်သည် အရွယ်ရောက်မှ ချော်လဲလေ့ ရှိတတ်ခဲ့လျှင် သင့်၏ကလေးဘ၀၌ လွဲချော်မှု အတော်အတန် ရှိခဲ့ပေလိမ့်မည် ဖြစ်သည်။ သေချာတာကတော့ ကျွန်တော့်တို့ သည် ကလေးဘ၀၌ ဒဏ်ရာများတော့ ရခဲ့ဘူးပါလိမ့်မည်။ အဖေးတက်လာသော အနာလေးများ ယားယံခြင်း၌ သာယာတတ်မည်ဆိုပါက သင်သည်အောက်ပါစာများ ဖတ်ရန် မည်သို့ မျှ မသင့်လျှော်ပါ။
ကလေးချစ်သူ တော်တော်များများ ကျွန်တော်တွေ့ ဖူးသည်။သို့ သော် ကလေး ကိုချစ်ခြင်းထက် ကလေးကြောင့်ရသော မိမိတို့ ၏ ပျော်ရွှင်မှုကို ပိုမို၍ ချစ်ခင်နေကြခြင်းကို တွေ့ နေရသည်။ကလေးတို့ မည်သည် လူနုနယ်ခြင်း ထက်ပို၍ စိတ်လည်း အလွန်နုနယ်တတ်သည်ကို သတိထားမိရန်လိုအပ်သည်။
ကလေးငယ်ဘ၀မှ ကလေးဘ၀သို့  ရောက်ရန် အရိုးများဆက်ပေးရလေသည်။ထိုသို့ အရိုးဆက်နေချိန် အတွင်း ဦးနှောက်မှာလည်း သိသိသာသာ ဖွံ့ ဖြိုးလာစေပြီး မိမိဘေးနားမှာ ရှိသည့် သူများ ပြောသည့်အတိုင်း တစ်လုံးစ နှစ်လုံးစ လိုက်ပြောတတ်လာမည်။အမြင်အကြားစေ
သာ အာရုံများ ပွင့်လာမည်။ စကားပြောတတ်ခြင်း အခြေ အနေသို့ ရောက်မည်ထိုအခါ သူတို့ ၏ပတ်ဝန်းကျင် အသစ်စက်စက်အကြောင်းသိချင်လာ
ကြမည် ဖြစ်လေရာ သူတို့ တတ်သမျှ စကားတို့ နှင့် မေးမြန်းကြ ပေလိမ့်မည်။အကယ်၍ သင်သည် ကလေးချစ်သူ တစ်ဦးဆိုပါစို့ ။ ကလေးဘယ်နှစ်ယောက်ရဲ့ မေးခွန်း တွေကို လစ်လျူရှုခဲ့ပြီးပြီလဲ။ ဘယ်နှစ်ကြိမ် ပေါ့ပေါ့တန်တန် ဖြေဆိုပြီးခဲ့ပြီလဲ။ ဘယ်နှစ်ခါ ရယ်မော ဖြစ်ခဲ့ပြီလဲ။သင့်ကြောင့် ကလေး ဘယ်နှစ်ယောက် စိတ်ဒဏ်ရာ ရခဲ့ပြီလဲ။
မေးခွန်းတို့ သဘောသဘာဝ အရ နှစ်မျိုးနှစ်စားသာ ရှိပါသည်။ကိုယ်က သူတစ်ပါးကို မေးသော မေးခွန်းနှင့် သူတစ်ပါးက ကိုယ့်ကို မေးသော မေးခွန်းများပင် ဖြစ်သည်။(ကျွန်တော် ဆိုလိုသည့် နမ်စား သူတစ်ပါး ဆိုသည်မှာ သက်ရှိရော သက်မဲ့ပါ ပါဝင်သည်) တစ်စိမ်းတွေနှင့်ဆက်ဆံရာ ၌ ကျွန်တော်တို့ သည် မေးခွန်းတော်တော် များကို မေးမြန်းခဲ့သလို ဖြေဆိုခဲ့ပြီးလည်း ဖြစ်ခဲ့သည်။မေးခွန်းများ၏ အဖြူစင်ဆုံး အချိန်မှာ စကားပြောတတ်ခါစ ကလေးဘ၀ ပင်။သူတို့ သည် အစပင်ဖြစ်သည်။သူတို့ ကို သူတို့  လူဟုပင် မသိကြ၊ သူတို့ သိသည်မှာ မိဘ နှစ်ပါးနှင့် မြင်နေကျ လူအနည်းငယ်သာ။
၁၉၉၀ ခန့် က ရခိုင်ပြည်နယ် သံတွဲမြို့  ဂျိတ္တောကျေးရွာလေးမှာ ကျွန်တော် ပထမတန်း၊ဒုတိယတန်း အရွယ်က ဖြစ်သည်။ကျွန်တော့်တွင် သူငယ်ချင်းဟူ၍ များများစားစား မရှိလှပါ။ဘာရယ်မဟုတ် ကျောင်းပိတ်ရက် ကလေးတို့  သဘာဝ ဆော့ကစားနေတဲ့တစ်နေ့ ။ကျွန်တော်က ရှေ့  ကတိုင်သည် ကျွန်တော့်သူငယ်ချင်း တွေက နောက်မှ လိုက်အော်၏ "ဒီမိုကရေစီ ရရှိရေး ဒို့ အရေး..ဒို့ အရေးဒီမိုကရေစီ ဟူသော ဝေါဟာရ အား ကျွန်တော်မသိခဲ့။ကျွန်တော့် သူငယ်ချင်းများလည်း မသိခဲ့။ နားစွဲနေသော စကားလုံးကို တွေ့ ရာ အော်ကြခြင်း ဖြစ်သည်။ထိုသို့ အော်ရင်း ဆက်သွယ်ရေး အရာရှိတစ်ဦးအိမ်ရှေ့ ရောက်သောအခါ ထိုသူက အိမ်ပေါ်မှ ပြေးဆင်းလာပြီး ကျွန်တော်တို့ အားထိုသို့  မအော်ရန်တားသည်။ကျွန်တော်နောက်
မှလိုက်အော် နေကြသူများထဲတွင် သူ၏ သားဖြစ်သူလည်း ပါသည်။ထိုလူကြီးက သူ့ သားကို ဆွဲထုတ်ကာ ကျွန်တော်တို့ ရှေ့ တွင် ပြင်းပြင်းထန်ထန် ရိုက်သည်။ ထို့ နောက် ကျွန်တော့်တို့ မိဘတွေကိုလည်း တိုင်သည်။အိမ်ပြန်ရောက်သော အခါ ကျွန်တော့်အမေ က လည်း ကျွန်တော့်ကို ရိုက်သည်။ဘာလို့  ရိုက်တာလည်း ကျွန်တော်မေးတော့ဘာမှ ပြန်မဖြေ။ကျွန်တော်လည်း မငိုပါ။ဒီမိုကရေစီ ကြောင့် အရိုက်ခံရသည်။ ဘာလဲ ဒီမိုကရေစီ။ လူတွေ အုပ်လိုက်ကြီး ဖြတ်သွားကာ အားလုံးဝိုင်းအော်နေကြခြင်းမှာ သူတို့ လည်း အရိုက်မခံရဘူးလား။ ကျွန်တော် နောက်နေ့  အမေ ရိုက်သော ဒဏ်ရာကြောင့် ကျောင်းမတက်နိုင်ခဲ့။ နောက်ရက်တွေမှာ သူငယ်ချင်းတွေ မေးကြည့်သည်။ ဘာလဲ ဒီမိုကရေစီ။သူတို့ လည်းမသိ။ ကျွန်တော် အပါအ၀င် အကုန်လုံးနားလည် သွားကြသည်မှာ ဒီမိူကရေစီ ဟုအော်ရင် အရိုက်ခံရမည် ဟုပင်။ ကျွန်တော် တို့ ကို မြန်မာစာသင်သော ဆရာကို မေးကြည့်ပြန်သည်။ဆရာက အဲ့ဒါ သရဲတွေ မကောင်းဆိုးဝါးတွေ ခေါ်တဲ့ဂါထာ အဲ့ဒါရွတ်ရင် သူတို့ လာပြီး မင်းကို ကုပ်ချိုးသတ်လိမ့်မယ် ဟုပြန်ပြောသည်။ကျွန်တော် တကယ်ထင်ခဲ့သည်။
ကလေး ဘ၀သည် အလွန်ဖြူစင်သည်ဟု သူများတွေ ပြောတာ ရေးတာရော သီချင်းထဲမှာပါ ကျွန်တော်ကြားခဲ့ရသည်။မေးခွန်းေ
တွ အတွက် သူတို့ မှာ အဖြေမရှိ။ထို့ ကြောင့် လူကြီးတွေအတွက် အသက်ရှိသော ကစားစရာ အရုပ်ဖြစ်ခဲ့သည်။လူကြီးတွေသည် သူတို့ ကိုယ်တိုင် မဖြေနိုင်သော မေးခွန်းတစ်ချို့ ဖြင့် ကလေးများကို စ ကြသည်။ဥပမာ "သား ဖေဖေနဲ့ မေမေ ဘယ်သူ့ ကို ပိုချစ်လဲ" ။ ကလေးငယ်အတွက် တကယ့်ကိုပြဿနာပင်။မိဘ နှစ်ပါး ရှိလျှင် ပိုဆိုးသည်။ထိုအခါ လက်ဖ၀ါး အချင်းချင်းပွတ်၍သော်လည်းကောင်း ခေါင်းငုံ့ ၍သော်လည်းကောင်း မျက်တောင်ပုတ်ခတ်ပုတ်ခတ် လုပ်၍သော်လည်းကောင်း သူတို့ ၏် အနေရခက်မှု ဖြေရှင်းရခက်မှုကို လူကြီးများ သိအောင် ပြကြသည်။ဒါကို လူကြီးများက ရယ်စရာဟု သဘောထားကြသည်။ဤသည်မှာ ကလေးငယ်အတွက် အနှုတ်လက္ခဏာ သို့ မဟုတ် ဒဏ်ရာပင်ဖြစ်သည်။ တစ်ချို့ က ကလေးဝတ်ထားသော အကျီကို အကြောင်းပြု၍ စကြသည်။"မင်းအင်္ကျီက အစုတ်ကြီး အသစ်မ၀တ်ဖူးလား" ထို သို့  အစခံလိုက်ရသော ကလေးသည် ပြည့်ပြည့်စုံစုံထဲက ဆိုလျှင်အကြောင်းမရှိ။ဆင်းရဲနွ
မ်းပါသော မိသားစုမှ ဆင်းသက်လာခဲ့လျှင် ကလေးရော သူ့ မိသားစုပါ အကျိုးယုတ်လှသည်။သူသည် သူ့ အကျှီင်္အကြောင်း သူ့ မိဘကို ပြောမည်။ အသစ်မဆင်နိုင်သော မိဘ သည် ကလေးငယ်ကို ဆူမည်။တစ်ချို့ က ရိုက်နှုက်မည်။ကြီးစွာသော သိမ်ငယ်ခြင်းတို့ ဖြင့် ငိုကြွေးနေသော ကလေးငယ်သည် အလွန် အန္တရယ်များလှသည်။အကျီအစုတ်လေးနဲ့ အတူ လမ်မှားပေါင်း များစွာကို ၀တ်ဆင်ရန် သူဝန်လေးတော့မည် မဟုတ်ပါ။
ကလေးတို့ မည်သည် အသစ်အဆန်းကို သဘောကျကြသည်။ကလေးကစား စရာများကို သူတို့ စိတ်ထဲ၌ လက်တွေ့ ဘ၀ဟုမှတ်ယူသည်။ကားရုပ်တစ်ခုဆို
ပါဆို့ ။သူတို့ မောင်းသည် သူတို့ စိတ်ထဲ၌ အပြင်မှာ မောင်းနေသလို ။ သေနတ် တစ်လက်ဆိုပါဆို့ ။သူတို့ ကိုယ်သူတို့  ကြီးမားသည့်တိုက်ပွဲ တစ်ခု ရင်ဆိုင်နေရသလို။စင်စစ် သူတို့ ကစားနေကြခြင်း မဟုတ်။ သူတို့ သွားနေကြခြင်းဖြစ်သည်။သူတို့ ရွေးခြယ်နေကြခြင်း ဖြစ်သည်။ဒါကို သူတို့ နှင့်နီးကပ်စွာ ရှိနေသော မိဘ နှစ်ပါး သို့ မဟုတ် အုပ်ထိန်းသူတို့ က လေးလေးနက်နက် သတိပြုရန်လိုသည်။ သူတို့ ၏ မျှော်လင့်ချက် သူတို့ ဖွင့်အန်လာသော တောင့်တမှု တနည်း မေးခွန်းတို့ အား အလွယ်တကူ မရှောင်တိမ်းသင့်။
ကျွန်တော့်အဖေ သည် ကျွန်တော့်ကို ပညာတတ်တစ်ယောက် ဖြစ်စေချင်ခဲ့သည်။ ငယ်ငယ်လေးကတည်းက ကျွန်တော့်ပညာရေး၌ သူကိုယ်တိုင် ကြပ်မတ်သည်။ကျွန်တော်သည် အဖေ့ ကျေးဇူးနှင့် သူငယ်တန်း မှ တတိယ တန်းအထိ ပထမ ချည်းစွဲခဲ့သည်။ မှတ်မှတ်ရရ လေးတန်း ကျောင်းသား အရွယ် ။ စာမေးပွဲ နီးစဉ် ကာလ ဖြစ်သည်။ကျွန်တော့်အိမ်ဘေးမှာ ကျွန်တော့်သူငယ်ချင်းများ ဆော့နေသည်ကို ကျွန်တော် မြင်နေကြားနေရသည်။ ကျွန်တော့် လက်ထဲမှာ သင်္ချာ စာအုပ်နှင့် ပုစ္ဆာများကို တစ်ခုပြီး တစ်ခု ရွေးနေသော ကျွန်တော့်အဖေ။ကျွန်တော့် အာရုံသည် သူ့ ထံမှာ မရှိ။ ရယ်မောသံ ကစားသံတို့ ကြား ရောက်နေသည်။ကျွန်တော့်အဖေ သည် ကျွန်တော် တွက်ရန် ပုစ္ဆာများအား ရွေးပြီးသည် နှင့် ကျွန်တော့်ကို တွက်ခိုင်းတော့သည်။ ကျွန်တော် မတွက်ခင် သူ့ ကို မရဲတရဲ တောင်းဆိုကြည့်သည်။ အလွန်ရိုးသားသော မေးခွန်း ဖြစ်သည်။
သား တွက်ပြီးရင် ဆော့လို့  ရမလား ဖေဖေ ဟူ၍။သူက ပြုံး၍ ကျွန်တော့် စကားကို လက်ခံသဘောတူသည်။ ကျွန်တော်လည်း တွက်သည်။ သူငယ်ချင်းများ ကစားနေသော ရယ်သံများက ကျွန်တော့်ကို စိတ်လှုပ်ရှားနေစေသည်။သူပေးသော ပုစ္ဆာများ တွက်ပြီး ကျွန်တော် ဆင်း ကစားရန်ပြင်သော အခါ သူ တားသည်။ နေပူနေသော ကြောင့် ပေးမကစား နိုင်ပါ ဟူ၍။ ကျွန်တော် ငိုတော့ သည်။သူ ချော့သည်။မရ။ကြာတော့ ကျွန်တော် အရိုက်ခံ လိုက်ရသည်။ ကစား ခွင့်မရ ခဲ့ပါ။
ထိုသို့  အဖြစ်အပျက်များ ကျွန်တော်နှင့် ကျွန်တော့်မိဘ အသိုင်းအ၀ိုင်းကြားမှာ ကျွန်တော် ငယ်စဉ်က မကြာခဏဆိုသလို ဖြစ်ပျက်ခဲ့သည်။မျှော်လင့်ထား
သည်များ ဖြစ်မလာပေ။မေးခွန်ူးများသည် ဖြေသူမရှိ။ဖြေသူရှိလည်း ကျေနပ်မှုမရခဲ့ပါ။လေးတန်းစာမေးပွ
ဲံ ဖြေပြီး အောင်စာရင်းထွက်တော့ ကျွန်တော် ဆုတစ်ခုမှ မချိတ်။ကျွန်တော် စာလုပ်ချိန် ကစားနေမြဲသော ကျွန်တော့် သူငယ်ချင်းဖြစ်သူနေ၀င်းက ပထမ ရခဲ့သည်။ထို့ နောက် ပိုင်းလည်း စာမေးပွဲ မကျဘူးတာက လွဲပြီး ကျွန်တော် ဘာဆုမှ မရခဲ့။ထူးထူးခြားခြား သင်္ချာ စပါယ်ရှယ် ညံ့ခဲ့သည်။သင်္ချာသင်လျှင် ကျွန်တော် စိတ်မ၀င်စားတော့ ပါ။ဆယ်တန်းကို နှစ်ချင်းပေါက် အောင်ခဲ့သည်။သခ်ျာလေးဆယ်နှင့် ဖြစ်သည်။ကျွန်တော် မိဘကို အပြစ်ပြန်တင်နေခြင်း မဟုတ်ပါ။မေးခွန်းများရဲ့ စွန့် ပစ်မှုကို ခံခဲ့ရတဲ့ ဒဏ်ရာ တော်တော်များများကို ပြန်သတိရ နေခြင်း သက်သက်ဖြစ်သည်။ မေးခွန်းများသည် ငယ်စဉ်မှ ယခု အချိန်အထိ ကျွန်တော့် တို့ ကို စွန့် ပစ်နေဆဲ။
လူဟာ အသက်ကြီးလာလေလေ မေးခွန်းတွေများလာ လေလေ ဖြစ်သည်။လောက ကြီးသည် သူစိမ်းဖြစ်သည်။ မေးခွန်းထုတ်စက်လည်း ဖြစ်သည်။အနာသိပြီးဆေးမရှိသော ကျွန်တော်တို့ နိုင်ငံသည် အလွန်ထူးခြားလှပါသည်။မေးခွန်း တွေရှိပြီး အဖြေမရှိရာ၌လည်း အလွန်ထင်ရှားကျော်ကြား လှပါသည်။
ကလေးဘ၀၌ မေးခွန်းတစ်ချို့ ၏ စွန့် ပစ်ခြင်း ခံခဲ့ရသူ တော်တော်များများအတွက် လောကဓံ သည် ကြောက်စရာ အကောင်းဆုံး သူစိမ်းမေးခွန်းထုတ်စက် ပင်ဖြစ်သည်။
Fwd:
ညီဇံလှ(ရေးချင်နေတာ တွေ..အက်ဆေး ဆရာ ကိုသူရိယမျိုးကြောင့် ရေးဖြစ်လိုက်တာပါ)
No comments:
Post a Comment